This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

10.215   திருமூலர்   திருமந்திரம் -

விஞ்ஞானர் நால்வரும் மெய்ப்பிரள யாகலத் தஞ்ஞானர் மூவரும் தாங்கு சகலத்தின் அஞ்ஞானர் மூவரு மாகும் பதின்மராம் விஞ்ஞான ராதியர் வேற்றுமை தானே.	[ 1]
விஞ்ஞானர் கேவலத் தாராது விட்டவர் தஞ்ஞானர் அட்டவித் தேசுரம் சார்ந்துளோர் எஞ்ஞானர் ஏழ்கோடி மந்திர நாயகர் மெய்ஞ்ஞானர் ஆணவம் விட்டுநின் றாரே.	[ 2]
இரண்டா வதில்முத்தி எய்துவர் அத்தனை இரண்டாவ துள்ளே இருமல பெத்தர் இரண்டாகு நூற்றெட் டுருத்திரர் என்பர் முரண்சேர் சகலத்தர் மும்மலத் தாரே.	[ 3]
பெத்தத்த சித்தொடு பேண்முத்தச் சித்தது ஒத்திட் டிரண்டிடை யூடுற்றார் சித்துமாய் மத்தத்து மும்மலம் வாட்டுகை மாட்டாதார் சத்தத் தமிழ்ந்து சகலத்து ளாரே.	[ 4]
விஞ்ஞானர் ஆணவ கேவல மேவுவோர் தஞ்ஞானர் மாயையில் தங்கும் இருமலர் அஞ்ஞானர் அச்சக லத்தர் அகலராம் விஞ்ஞான ராதிகள் ஒன்பான்வே றுயிர்களே.	[ 5]
Go to top
வெஞ்ஞான கன்மத்தால் மெய்யகங் கூடியே தஞ்ஞான கன்மத்தி னால்சுவர் யோனிபுக் கெஞ்ஞான மெய்தீண்டி யேயிடை யிட்டுப்போய். மெய்ஞ்ஞான ராகிச் சிவமேவல் உண்மையே.	[ 6]
ஆணவந் துற்ற அவித்தா நனவற்றோர் காணிய விந்துவாம் நாத சகலாதி ஆணவ மாதி யடைந்தோர்க்க வரன்றே சேணுயர் சத்தி சிவதத்வ மாமே	[ 7]
சிவமாகி ஐவகைத் திண்மலஞ் செற்றோர் அவமாகாச் சித்தர்முத் தாந்தத்து வாழ்வார் பவமான தீர்வோர் பசுபாசம் அற்றோர் நவமான தத்துவம் நாடிக்கண் டோரே. 16,	[ 8]

Thevaaram Link  - Shaivam Link
Other song(s) from this location:
This page was last modified on Sun, 31 Mar 2024 02:36:43 -0400
          send corrections and suggestions to admin @ sivaya.org

thirumurai song